- २९ भाद्र २०८३, सोमबार / Sep 14, 2026
मुम्बई, ६ फागुन । भारतको महाराष्ट्रस्थित भिवंडीमा क्रियाशील श्री मुग्लाली एकता सेवा समाजले आठविस नगरपालिका–९ निवासी स्वर्गीय शेरबहादुर सिजापतिको शव व्यवस्थापनका लागि आर्थिक सहयोग प्रदान गरेको छ ।
समाजका अध्यक्ष लालबहादुर सिँगौडे र उपाध्यक्ष रणबहादुर गोगलको अगुवाइमा समाजका पदाधिकारी तथा सदस्यहरूबाट रकम संकलन गरी सहयोग प्रदान गरिएको हो ।
सहयोग अभियानमा महिला उपाध्यक्ष देवी गुरुङ, सचिव विवेक सिँगौडे, कोषाध्यक्ष तर्कबहादुर गोगलसहित सदस्यहरू ददिराम गेलाल, रवि टम्ट्टा, गणेश गोगल, कमल सिँगौडे, राजु परियार र केशर विश्वकर्मालगायतले आर्थिक योगदान गरेका छन् ।
त्यस्तै बिर्ख विश्वकर्मा, जोर विश्वकर्मा, अनिल टम्ट्टा, प्रदीप सुनार, सरिता विश्वकर्मा, भीमबहादुर गोगल र प्रेम सिँगौडे लगायत अन्य सहयोगीहरूले समेत गरी कुल १४ हजार ६ सय ७६ रुपैयाँ आर्थिक सहयोग गरेको समाजले जनाएको छ ।
समाजले विपद् तथा दुःखको घडीमा निरन्तर सहयोग गर्दै आएको उल्लेख गर्दै आगामी दिनमा पनि सामाजिक तथा मानवीय कार्यलाई निरन्तरता दिने प्रतिबद्धता जनाएको छ ।
