- २४ भाद्र २०८३, बुधबार / Sep 9, 2026
काठमाडौं । चैत ११ गते आइतबारका दिन होली खेलेर नुहाउने क्रममा सुनकोसी नदिमा डुबेर बेपत्ता भएका तीनै जना बालबालिकाको शव फेला परेको छ ।
उदयपुरको त्रियुगा नगरपालिका १४ साउने बजारका १२ बर्षीय रेखा मगर, ९ बर्षीय रिदम मगर र १२ बर्षीय लोक बहादुर मगर बेपत्ता भएका थिए । बेपत्तामध्ये रिदम मगरको सव हिजो मंगलबार बेलुका घटनास्थल भन्दा एक किलोमीटर तल घिर्लिङ भन्ने ठाउँमा भेटिएको हो ।
रेखा मगरको शव घटनास्थलदेखि दुई किलोमीटर तल सिम्लेमा र लोक बहादुर मगरको शव आज बुधबार दिउँसो एककिलोमिटर तल फेल परेको जिल्ला प्रहरी कार्यालय उदयपुरका सुचना अधिकारी प्रहरी नायब उपरीक्षक हरिनन्दन चौधरीले बताए ।
बेपत्ता बालबालिकाको खोजिका लागि सशस्त्र प्रहरी बल नम्बर १ बराहबाहिनी पकलीका प्रहरी निरीक्षक उमेश काफ्लेको कमाण्डको ११ सदस्यीय आधुनिक बोट सहितको गोताखोरको टोली खोजतलासमा जुटेका थिए ।
