काठमाडाैं । प्रगतिशील लोकतान्त्रिक पार्टीको अध्यक्ष परिषद्का अध्यक्ष सन्तोष परियारले सन् २०२५ को अम्बेडकर अन्तर्राष्ट्रिय पुरस्कार प्राप्त गरेका छन् । उक्त पुरस्कार ग्रहण गर्न उनी शुक्रबार दिल्ली प्रस्थान गरेका हुन् ।

परियारले सामाजिक सञ्जालमार्फत जानकारी दिँदै बाबासाहेब डा. भीमराव अम्बेडकरको “शिक्षित हौ, संगठित हौ, सङ्घर्ष गर” भन्ने संदेशबाट आफू सधैँ प्रेरित रहँदै आएको उल्लेख गरे । अम्बेडकरको नामसँग जोडिन पाउँदा आफूलाई खुसी, गम्भीरता र जिम्मेवारी थप बढेको उनले लेखे ।

उनका अनुसार, अम्बेडकरले “ज्ञानको कुनै समय र सीमा हुँदैन” भन्ने कुरा प्रमाणित गरेको उल्लेख गर्दै उनले विश्वभर दलित, उत्पीडित, आर्थिक–सामाजिक रूपमा पछडिएका वर्गका लागि आफूले सक्दो योगदान दिने दृढता व्यक्त गरे ।

अम्बेडकर अन्तर्राष्ट्रिय पुरस्कार वितरण कार्यक्रम डिसेम्बर १३ र १४, दिल्लीमा आयोजना हुने परियारले बताए । साथै, कार्यक्रममा उपस्थित हुन सम्भव हुने साथीहरूलाई भेट्न समेत उनले आग्रह गरेका छन् ।