- १० जेष्ठ २०८३, आईतवार / May 24, 2026
काठमाडौं । ताइवानमा भूकम्पबाट भवनहरु भत्किएका छन् । तर मानिसहरु कति हताहती भए भन्ने विवरण आउन बाँकी छ । एक जनाको मृत्यु भएको छ भने ५० हजार जना घाइते भएको प्रारम्भिक खबर छ । सामाजिक सन्जालमा सेयर गरिएका फोटो र भिडियोहरुमा बिल्डिङहरु भत्किएका छन् ।
बुधबार बिहान ताइवानको हुआलियन शहरबाट करिब १८ किलोमिटर दक्षिणतर्फ केन्द्रविन्दु भएर ७.४ म्याग्निच्युडको भूकम्प गएको हो । अमेरिकी भौगर्भिक सर्वेक्षणका अनुसार ७.४ म्याग्निच्युडको भूकम्पपछि ६.५ म्याग्निच्युडको अर्को ठूलो धक्का महसुस भएको छ ।
स्थानीयलाई करिब एक हप्तासम्म यस्तै खालका परकम्पहरु आउन सक्ने भन्दै सतर्क गरिएको छ । भूकम्पलगत्तै विद्युत आपूर्ति बन्द भएको छ । ताइवानमा आएको भूकम्प पछि छिमेकी देश जापानमा सुनामीको चेतावनी दिइएको छ ।
जापानको मौसम विज्ञान विभागले मियाकोजिमा र ओकिनावा द्वीपमा सुनामी आउने चेतावनी दिएको हो । समुद्रको छाल तीन मिटर माथिसम्म उठ्नसक्ने भन्दै सतर्कता अपनाउन भनिएको छ ।
