- १ कार्तिक २०८३, आईतवार / Oct 18, 2026
एजेन्सी । २ सय ८० भन्दा बढी स्कुले बालबालिका नाइजेरियामा बन्दुकधारीले अपहरण गरेका छन्। बन्दुकधारीले ठूलो संख्यामा बालबालिका उत्तर–पश्चिमी सहर कुरिगाबाट अपहरण गरेका हुन ।
बन्दुकधारीले एक शिक्षकलाई पनि अपहरण गरेका छन्। यो समूहले उत्तर–पश्चिमी नाइजेरियाबाट पछिल्ला केही वर्षयता सयौँ मानिसको अपहरण गरिसकेको छ।
कडुना राज्यका गभर्नर उबा सानीले एक सरकारी माध्यामिक तहको विद्यालयका १ सय ८७ र प्राथमिक विद्यालयका १ सय २५ छात्र बेपत्ता भएको पुष्टि गरेका छन्। जसमध्ये २५ छात्र भने सम्पर्कमा आएका छन्।
एक प्रत्यक्षदर्शीका अनुसार बिहान साढे ८ बजे विद्यालयको प्रार्थनासभा चलिरहेका बेला दर्जनौँ मोटरसाइकलमा आएका बन्दुकधारीले बालबालिकालाई जबरजस्ती मोटरसाइकलमा हालेर भागेका थिए। यसरी अपहरणमा पर्नेमा ८ देखि १५ वर्ष उमेरका बालबालिका छन्।
