- ३१ असार २०८३, बुधबार / Jul 15, 2026
काठमाडौं । कोरोना आशंकामा शुक्रराज ट्रोपिकल तथा सरुवा रोग अस्पतालको आइसोलेसन वार्डमा भर्ना गरेपछि भागेका एक बिरामी फेला परेका छन् । उनलाई विराटनगरबाट फेला पारेको प्रहरीले बताएको छ । ती विरामी भागेको भन्दै अस्पताले काठमाडौं प्रहरीलाई जानकारी गराएपछि प्रहरीले मोबाइल ट्र्याक गरेर विराटनगरबाट उनलाई नियन्त्रणमा लिएको हो ।
जिल्ला प्रहरी कार्यालय मोरङले बिहीबार साँझ नियन्त्रणमा लिएको हो । बुधबार राति साढे १० बजेतिर अस्पतालको पछाडिपट्टीको छ्यालबाट भागेका उनलाई अहिले बीपी कोइराला स्वास्थ्य विज्ञान प्रतिष्ठानको आइसोलेसन वार्डमा पठाइएको छ । कोरोना भाइरस भए–नभएको पुष्टि भएको छैन ।
मंगलबार कोरियाबाट फर्किएका उनलाई परिवारले कोरोनाको आशंकामा टेकु अस्पताल लगेका थिए । टेकुको आइसोलेसन वार्डबाट बिरामी भाग्ने घटना बढेपछि प्रहरी र मनोसामाजिक परामर्शदाता राखिने जनाईएको छ ।
यो पनि पढ्नुहोस्
कोरोना भाइरसको आशंकामा भर्ना भएका एक विरामी अस्पतालबाट ‘फरार’
