जसपाका मन्त्री कांग्रेसबाट उम्मेदवार

कपिलवस्तु । जनता समाजवादी पार्टीबाट लुम्बिनी प्रदेशको भौतिक पूर्वाधारमन्त्री रहेका सहसराम यादवले आसन्न निर्वाचनमा कांग्रेसबाट उम्मेदवारी दर्ता गराएका छन् ।

आइतबार कांग्रेस प्रवेश गरेका उनले कपिलवस्तु १ (ख) बाट प्रदेशसभा सदस्यमा उम्मेदवारी दिएका हुन् ।केन्द्रमा पार्टीले एमालेसँग गरेको चुनावी गठबन्धनको विरोध गर्दै आफूले कांग्रेसबाट उम्मेदवारी दिएको यादवले बताए ।

जसपा र एमालेबीच बनेको गठबन्धन कपिलवस्तुमा बिथोलिएको छ । एमालेले प्रदेशसभा सदस्यका लागि कपिलवस्तु–१ (ख) र कपिलवस्तु–३ (ख) नछाडेकाले समझदारी तोडिएको जसपाका लुम्बिनी प्रदेश उपाध्यक्ष अब्दुल रसिद खाँले बताए ।