नक्सापासविना प्रधानमन्त्रीनिवास बन्दै

काठमाडाै । नक्सापासविना बालुवाटारमा प्रधानमन्त्रीनिवास बन्दै छ । ४० करोड लगानीमा निर्माणहुने प्रधानमन्त्रीनिवासकाे २० प्रतिशत काम सकिएको छ । प्रधानमन्त्री स्वयंले शिलान्यास गरेको भन्दै नक्सापास नगरी काम धमाधम भइरहेको छ । प्रधानमन्त्रीनिवास भत्काएर नयाँ भवन बनाउन लागिएकाे हाे ।

नक्सापास नगरी ठेकेदारले तीव्र गतिमा काम धमाधम गरिरहेका छन् । भिभिआइपी संरचनाको नक्सापास र इआइए नभएको सहरी विकास तथा भवन निर्माण विभागले जनाएकाे छ । भवन ऐन, २०५५ को दफा ११ अनुसार भवन निर्माण गर्न चाहने व्यक्ति, संस्था वा सरकारी निकायले प्रचलित कानुनबमोजिम सम्बन्धित स्थानीय तहको अनुमति लिनुपर्छ ।

निर्माण पक्षले कानुनबमोजिमको दस्तुर तिर्नु पर्ने कानुनी व्यवस्था छ । तर, विभागले निर्माणाधीन भिभिआइपी भवनको नक्सापास र दस्तुर पनि नतिरेको निर्माण आयोजनाका प्रमुख प्रकृण तुलाधरले बताए ।