- २६ भाद्र २०८३, शुक्रबार / Sep 11, 2026
काठमाडौं । नेपालमा अहिलेसम्म २ हजार ३ सय ६६ जनाको कोरोना भाइरसको परीक्षण गरिएको छ भने पछिल्लो २४ घन्टामा नयाँ संक्रमित देखिएका छैनन्।
स्वास्थ्य तथा जनसंख्या मन्त्रालयका प्रवक्ता डा. विकास देवकोटाले नयाँ संक्रमित नदेखिएको नियमित पत्रकार सम्मेलनमा जानकारी दिए ।
प्रवक्ता डा. देवकोटाका अनुसार काठमाडौं उपत्याकाभित्र १९६५ र उपत्यका बाहिर ४ सय १ जनाको कोरोना भाइरसको परीक्षण गरिएको हो। हालसम्म २ हजार ३ सय ६६ जनाको परीक्षणमा नयाँ संक्रमित नदेखिएको उनले बताए।
स्वास्थ्य मन्त्रालयले नमुना परीक्षणको कामलाई विस्तार गरिरहेको बताए। नेपालमा ९ जनामा मात्र कोरोना भाइरसको संक्रमण देखिएको छ । यस मध्येमा १ जना उपचार पछि निको भइसकेको छ । हाल अस्पतालमा उपचाररत ८ जनाको अवस्था पनि सामान्य रहेको प्रवक्ता डा. देवकोटाले जानकारी दिए।
