- १२ कार्तिक २०८३, बिहीबार / Oct 29, 2026
काठमाडौं । निवर्तमान स्वास्थ्य तथा जनसंख्यामन्त्री पदम गिरीले दुखेसो पोखेका छन् । काम सुरु गर्ने बेलामा मन्त्री पदबाट हट्नु परेको पीडा सुनाउदै मन्त्री गिरीले ४२ दिन मन्त्री रहँदा मन्त्रालयको समस्या कसरी समाधान गर्ने भनेर अध्ययन मात्रै गर्न पाएको बताए ।
अब काम सुरु गरौं भन्ने बेलामा मन्त्रालयबाट बिदा लिनु परेको सुनाए । आफूले बेथिति कहाँ कहाँ छ भनेर अध्ययन गरेका स्पष्ट पारे । स्वास्थ्य मन्त्रालयमा धेरै जटिल समस्याहरु रहेको बताए ।
निवर्तमानमन्त्री गिरीले स्वास्थ्य विमा कार्यक्रमलाई पुनर्विचार गर्नुपर्ने आवश्यक्ता औंल्याए । त्यसका लागि बिमितलाई दिने रकम १ लाखबाट बढाएर ५ लाख पुर्याउनुपर्ने धारणा राखे ।
स्वास्थ्य सामग्रीहरुको दुरुपयोग हुन नदिने, सबै स्थानीय तहमा आधारभूत अस्पताल निर्माणका लागि बजेटको व्यवस्था गर्ने, स्वास्थ्यकर्मीहरुको अभिलेखीकरण गर्ने, सबै प्रदेशमा विशिष्टीकृत खालको स्वास्थ्य सेवा उपलब्ध गराउने कामलाई प्राथमिकतामा खाख्न अनुरोध गरे ।
स्वास्थ्य क्षेत्रको सुधारमा योगदान पुर्याउन लाग्दा पदबाट हात धुन परेको पत्रकारहरुलाई सुनाए ।
