भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

पर्ख र हेरकाे नीतिमा ओली-दाहाल हिमचिम

पर्ख र हेरकाे नीतिमा ओली-दाहाल हिमचिम

काठमाडौं । सभामुख चयन, अमेरिकी नियोग मिलेनियम च्यालेन्स कर्पोरेसन (एमसीसी)का विषयमा पार्टी नेताहरूकै बीचमा तीव्र ‘धु्रवीकरण’ भइरहेका बेला नेकपाका दुई अध्यक्ष प्रधानमन्त्री केपी ओली र पुष्पकमल दाहाल प्रचण्डबीचको असमझदारी बढ्दै गएको छ ।

सत्तारुढ दल नेकपामा यसरी असमझदारी बढ्दै गएपछि ओली प्रचण्डबीचको हिमचिम घट्दैै गएको छ । ६ माघसम्मका लागि संसद् बैठक स्थगित भएयता नेकपाका दुई अध्यक्षबीच संवाद नभएको नेकपा स्रोतले बताएको छ। प्रधानमन्त्री ओली सरकारी निवास बालुवाटारमा व्यस्त भएपछि अध्यक्ष दाहाल पनि खुमलटार–चितवन आउजाउ मै व्यस्त भएका छन्।

प्रधानमन्त्री ओली बालुवाटारमै भेटघाटदेखि उच्चस्तरीय कार्यक्रममा व्यस्त छन् भने दाहाल पार्टीका नेतासँग अलग–अलग छलफल र थुप्रै मिटिङ गर्नुपर्ने बताए पनि त्यस्तो छलफल हुन नसकेको बताईएको छ। झन्डै दुई तिहाइ मतका साथ बलियो उपस्थिति रहेको नेकपाले सभामुख उम्मेदवार चयन गर्न नसक्दा संसद् एक महिना बन्धक बनिसकेको छ।

तर, बन्धक संसद् खुलाउने र पार्टीभित्रको धु्रवीकरण तोड्न नेकपाका दुई अध्यक्षलाई तीव्र दबाब भए पनि ओली–दाहाल संवाद हुन सकेको छैन। दुवै अध्यक्ष केही दिन पर्ख र हेरको नीतिमा देखिएको नेकपाका एक स्थायी समिति सदस्यको ठहर छ । सभामुखका लागि ओली र दाहालका आ–आफ्नै रुचिका पात्र भएकाले सभामुखको पात्र चयनमा सकस परिरहेको अर्को थरीभन्छन् ।

२३ पुसमा नेता वामदेव गौतमको भैंसेपाटी निवासमा बसेको बहुमत सचिवालय सदस्यको ‘प्यानल बैठक’ ले ओली–दाहालबीच झन् असमझदारी बढेको र यहि असमझदारीका कारण उपसभामुख शिवमाया तुम्बाहाङफेको राजीनामा अड्किएको नेताहरुको जिकिर छ।र पोखरेललगायतसँग संवाद गरिरहेका छन्।

 


Thali Mobile Pvt.Ltd.