- २२ जेष्ठ २०८३, शुक्रबार / Jun 5, 2026
दैलेख । पेट्रोलियम अन्वेषणको काम सफल्ता नजिकै पुगेपछि अहिले ‘साइस्किम सर्भे’ शुरु गरिएको छ । पेट्रोलियम अन्वेषणको महत्वपूर्ण कार्य मानिएको यो सर्भेको काम तीव्र गतिमा अघि बढाईएको हो। विदेशमा पेट्रोलियम अन्वेषण काम गरेका अनुभवी नेपाली कामदार र चीन सरकारको संयुक्त विशेषज्ञ टोलीले पेट्रोलियम अन्वेषणको कार्य तीब्र गतिमा अघि बढाईएको छ ।
सो कार्यको अनुसन्धान गर्न थप अत्याधुनिक साधनसमेत फिल्डमा ल्याएर जमिनभित्र तरङ्ग पठाउने काम शुरु गरिएको छ । ‘साइस्मिक सर्भे’ को अनुसन्धान संगै भण्डारणको क्षेत्र पहिचान गर्न लागिएको खानी तथा भूगर्भ विभागका अन्वेषण अधिकृत डा गणेशनाथ त्रिपाठीले बताए ।
भण्डारणको बढी सम्भावना भएको दैलेखका २० किलोमिटर क्षेत्रभित्र १० वटा सर्कलमा जमीनमुनि ड्रिलिङकार्य भइरहेको र ती १० मध्ये एउटा सर्कलमा जमीनमुनि करीब ४५ फिटसम्म ड्रिलिङसँगै विस्फोटक पदार्थ राख्ने काम सकिएको उनले जानकारी दिए ।
जमीनमुनिको तरङ्ग मापन गरेर भण्डारणको धेरै सम्भावना भएको स्थानमा मुख्य ड्रिलिङको काम गरिने भन्दै अन्वेषणका तीन वटा सााइस्मिक सर्भे सम्पन्न भएको त्रिपाठीले बताए । सानो मेसिनमार्फत ड्रिलिङ गर्ने काम सम्पन्न भएपछि प्रत्येक प्वालमा विस्फोटक पदार्थ राखेर जमीनमुनि आन्तरिक तरङ्ग पठाईएको छ ।
माघ मसान्तसम्म सर्भेको काम सम्पन्न भएपछि जमीनभित्र पठाइएको तरङ्ग मापन गरेर अध्ययनका लागि पुनःविशेषज्ञको टोलीले तीन महिनासम्मको अध्ययन पश्चात् मुख्य भण्डार क्षेत्रको अन्वेषण कार्य शुरु हुने विभागले जनाएको छ ।
