- ६ असार २०८३, शनिबार / Jun 20, 2026
२२ साउन २०७७ काठमाडौं । आन्तरिक मामिला तथा कानुनमन्त्री ज्ञानेन्द्रकुमार यादवमा कोरोना भाइरसको संक्रमण पुष्टि भएपछि प्रधानमन्त्री केपी शर्मा ओली पनि ‘क्लोज कन्ट्याक’को सूचीमा परेका छन् । कोही मानिस समूहमा बैठकमा बस्छ र उसलाई संक्रमण पुष्टि हुन्छ भने त्यो बैठकमा सहभागी सबै ‘क्लोज कन्टयाक’ अन्तर्गत पर्दछन् ।
स्वास्थ्य तथा जनसंख्या मन्त्रालयले जारी गरेको टेस्टिङ गाइडलाइन अन्तर्गत कन्ट्याक ट्रेसिङमा परेका हुन् ।
प्रधानमन्त्रीको गत शनिबार नै परीक्षण भइसकेको बताएका प्रधानमन्त्रीका प्रेस सल्लाहकार सूर्य थापाले बताए । सुरक्षाकर्मीको समेत परीक्षण गरिएको र सबैको रिपोर्ट नेगेटिभ आएको सल्लाहकार थापाले बताए ।
प्रचण्ड निवासका ६ जनालाई पनि कोरोना
नेपाल कम्युनिष्ट पार्टी (नेकपा) अध्यक्ष पुष्पकमल दाहाल प्रचण्ड निवास खुमलटामा सुरक्षार्थ खटिएका ६ जना प्रहरीलाई पनि कोरोना संक्रमण पुष्टी भएको छ । प्रचण्डको परिवारका सदस्यसहित निवास र उनको सुरक्षामा तैनाथ प्रहरीको स्वाब लिएर गरिएको परीक्षणमा ६ जनालाई कोरोना पुष्टि भएको हो ।
परिवारका सदस्यसहित सुरक्षाकर्मीको पनि स्वाब परीक्षण गराउँदा ६ जनामा कोरोना देखिएको प्रचण्डका प्रेस सल्लाहकार विष्णु सापकोटा जुगलले बताए । सुरक्षाकर्मीहरुलाई संक्रमण देखिए पनि प्रचण्ड परिवारका सदस्यको भने रिपोर्ट नेगेटिभ आएको उनको भनाई छ । निवासको बाहिरी घेराका सुरक्षाकर्मीमा संक्रमण पुष्टि भएको हो ।
