- ३१ असार २०८३, बुधबार / Jul 15, 2026
दिल्ली । एक महिला डाक्टरको बलात्कार र हत्या आरोपमा पक्राउ परेका चार अभियुक्तलाई प्रहरीले ‘इन्काउन्टर’ गरी मारेको घटनाबारे कानुन व्यवसायीले प्रश्न उठाएका छन् । दिल्ली उच्च अदालतमा अपराध मामिलाको वकिल रेबेका मेनन जोन, मानवअधिकार कार्यकर्ता कल्पना कन्नाबिरनलगायतले प्रहरी कारवाहीमाथि प्रश्न उठाएका छन् ।
कति सजिलै हामी भीडको हातबाट न्यायको उत्सव मनाइरहेका छौँ, त्यो प्रहरी जसमाथि कसैले पनि विश्वास गर्न सक्दैन, आधा रातमा चार निःसशस्त्र मानिसको हत्या गर्छ, किन ?’ भन्दै उनीहरूले कडा प्रश्न गरेका हुन् । डाक्टरको बलात्कार र हत्याका चार आरोपी घटनाको ९ दिनपछि प्रहरी इन्काउन्टरमा मारिए थिए ।
साेही घटना माथि प्रश्न गर्दै, उनीहरूले भने, ‘के दिल्ली प्रहरीले पहुँचवालामाथि पनि यस प्रकारको व्यवहार गर्न सक्छ, जो जोर बाग र महारानी बागमा बस्छन् ? उनीहरुले नै अपराध गरेका थिए भन्नेमा हामीसँग त्यस्तो के बलियो प्रमाण थियो र ? के कुनै अदालतले उनीहरुलाई देखेको थियो ?
