- १४ आश्विन २०८३, बुधबार / Sep 30, 2026
काठमाडौँ । शुक्रराज ट्रपिकल तथा सरुवा रोग अस्पतालका सरुवा रोग विशेषज्ञ डा. शेरबहादुर पुनलाई स्वास्थ्य तथा जनसंख्या मन्त्रालयले कारबाही गरेको छ । लिखित स्पष्टीकरण सोध्दै मन्त्रालयमा बोलाएर उनलाई कारवाही गरेको हो ।
कोरोना भाइरसको उपचार हुने मुख्य अस्पतालका रिसर्च युनिटका संयोजकसमेत रहेका पुनलाई मौखिक रुपमा बोलाउँदा उपस्थित नभएपछि मन्त्रालयमा बोलाइएको हो । डा. पुनलाई कोरोना भाइरसबारे विभिन्न ठाउँमा बोलेकाले प्रष्टिकरण सोधिएको स्रोतले दाबी गरेको छ ।
महामारीका विषयमा बोलेको भन्दै स्वास्थ्य तथा जनसंख्या उच्च तहकै निर्देशनमा उनलाई कारबाही गरिएको स्वास्थ्य मन्त्रालय स्रोतले जानकारी दिएको छ ।
