- २१ श्रावण २०८३, बिहीबार / Aug 6, 2026
काठमाडौं । प्रधानमन्त्री केपी शर्मा ओलीको मिर्गौला प्रत्यारोपण नेपालमै गरिने भएको छ । दोस्रो पटक तय गरेको मिर्गौला प्रत्यारोपण त्रिवि शिक्षण अस्पताल महाराजगन्जमा हुनेभएको हो। आइतबार ग्रान्डी अस्पतालमा स्वास्थ्य जाँच गरिएका ओलीको बुधवार प्रत्यारोपण गरिने जनाईएको छ ।
त्यसका लागि उनलाई सोमबार अस्पताल भर्ना गरिने अस्पतालका मेडिकल निर्देशक डा. चक्रराज पाण्डेले बताए ।आईतवार प्रधानमन्त्रीको मुटु, ठूलो आन्द्रा र रगतको जाँच गरिदा स्वास्थ्य जाँचको रिपोर्ट राम्रो आएपछि चिकित्सकसँग छलफलमा प्रत्यारोपण अघिबढाईएको हो ।
२०६४ साउनमा भारतको अपोलो अस्पतालमा प्रधानमन्त्री ओलीको पहिलो पटक मिर्गौला प्रत्यारोपण गरिएको थियो।पहिलो भन्दा यो पटकको प्रत्यारोपण अलि जटिल हुने भन्दै चिकित्सकले त्यसको तयारी पनि त्यहि किसिमले गरिएको बताएका छन्।
प्रधानमन्त्रीकी निजी चिकित्सकसमेत रहेकी वरिष्ठ मिर्गौला रोग विशेषज्ञ डा.दिव्यासिंह शाहले प्रत्यारोपणकोका लागि ओलीको स्वास्थ्य जाँच गरी तयारी अवस्थामा राखिएको बताएकी छन् । पहिलो प्रत्यारोपणमा अञ्जना घिमिरेले मिर्गौला दिएकी थिइन् भने यसपटक मिर्गौला दिन आफन्त नाताकी एक महिला तयार भएकी जनाईएको छ ।
यस्तो छ ओलीको उपचार
