- २८ बैशाख २०८३, सोमबार / May 11, 2026
अछाम । कमल बजार नगरपालिकाले आयोजना गरेको उप मेयर कप फुटबल प्रतियोगिताको फाइन खेलमा झडप भएको छ ।
झडपमा पत्रकार कुटीएका छन् । कार्तिक ४ गतेदेखि आयोजना गरिएको उपमेयर कप फुटबल प्रतियोगिताको सोमबार फाइन खेल थियो । सोही क्रममा रिपोर्टिङ गर्न गएका दैलेखका पत्रकार लोकेन्द्र विश्वकर्मा घाइते भएका हुन ।
प्रहरीले गालीगलोज गर्दै कुटपिट गरेको पीडित पत्रकार विकले बताए । झडप हुन थालेपछि दृश्य कैद गर्न लागेका बेला पत्रकार विश्वकर्माको क्यामेरा खोसेर भुईमा बझारेको पत्रकार विश्वकर्माको भनाई छ ।
प्रहरी इन्सपेक्टर भाष्कर चन्दले पत्रकार विश्वकर्मालाई हुलमा कस्ले कुटपिट गरे आफूलाई कुनै जानकारी नभएको प्रतिक्रिया दिए । झडप भएको केही समय पछि मात्र आफु घटनास्थल पुगेको उनले कैलाश खबरलाई बताए ।
अभद्र व्यवहार पनि नगरेको भन्दै झडप नियन्त्रण गर्नु प्रहरीको दायित्व भएकाले प्रहरीको तर्फबाट कुनै गल्ती भए आफूले माफि चाहेको प्रतिक्रिया दिए ।
हुलमूलमा नचिनेर पनि केही गल्ती हुन सक्ने उनको भनाइ छ । यस्ता घटनामा दोषी जो भए पनि कारबाहीको भागिदार हुनुपर्ने पीडित पक्षको माग छ ।
