अन्तराष्ट्रिय शुहारी सोतोकान कराते युकेले दियो भक्तपुरमा ट्रेनिङ्ग

भक्तपुर । शुहारी सोतोकान करातेका सस्थापक अध्यक्ष सेन्सी काटसु यूकेले भक्तपुरका खेलाडीलाई तालिम दिएको छ । नेपाल शुहारी सोतोकान कराते महासंघको आयोजनामा भएको एक दिने सेमिनार तथा ट्रेनिङ क्याम्पमा खेलाडीलाई तालिम दिएको हो ।

आगामी दिनमा नेपाल शुहारी सोतोकान करातेलाई देशका कुना कुनामा पुर्याउने उदेश्यले सेमिनार गरिएको सस्थापक अध्यक्ष अभय मोक्तानले बताए । राष्ट्रिय खेलकुद परिषदका वोर्ड मेम्वर तथा नेपाल कराते महासंघका अध्यक्ष दावा गुरूङ प्रमुख अतिथि रहेको सो कार्यक्रममा प्रमुख गुरू तथा अन्तराष्ट्रि शुहारी सोतोकान करातेका सस्थापक अध्यक्ष सेन्सी काटसुले ४० जना सहभागी खेलाडीलाई निकै मेहनतका साथ खेलका कला प्रर्दशन गरि प्रशिक्षित पारेका थिए ।

सिद्धिदास सेकेण्डरी स्कुल र नेपाल शुहारी सोतोकान कराते संघ सहआयोजक रहेको कार्यक्रमका सभापति लोकेन्द्र अर्यालले खेल जगतमा युकेबाट आएर प्रशिक्षण दिएकोमा सेन्सीलाई धन्यवाद दिए । खेलाडीले मेहनत, अनुशासन र परिश्रमलाई संगै अगाडी बढाएमा खेलको भविष्य सुन्दर हुने शुहारी कराते नेपालका संस्थापक अभय मोक्तानले बताए ।

नेपालमा आएर खेलाडीलाई आफ्नो शिप सिकाउन पाँउदा हर्षित र गौरवान्वीत भएको सेन्सीले बताए । कार्यक्रममा खेल क्षेत्रमा महत्वपूर्ण भूमिका खेल्ने खेलाडी, पत्रकार, विभिन्न सस्थाका व्यक्तित्वलाई मायाको चिनो समेत प्रदान गरिएको थियो ।