उमेद्वारकै घरमा बम विष्फोट

महोत्तरी । पिपरा गाउँपालिकाको अध्यक्ष पदका लागि उमेदवारी दिएका विक्रम चौधरीको घरमा बम विष्फोट भएको छ । गाउँपालिका वडा न.४ स्थित उनको घरपछाडि बम विष्फोट भएको हो ।

प्रचारप्रसार र व्यवस्थापनका लागि कार्यालय संचालन गरेका उक्त घरमा विष्फोट भएपनि मानवीय क्षति नभएको प्रहरीले जनाएको छ । उपनिर्वाचनको तयारी हेर्न प्रमुख जिल्ला अधिकरीसहित सुरक्षा निकायका जिल्ला प्रखुम पुगेको बेला विष्फोट भएको स्थानीयले बताए ।

विष्फोटबाट शौचालयको ढोका र पर्खालमा क्षति पुगेको भन्दै महोत्तरीका एसपी श्यामकृष्ण अधिकारीले विष्फोटबारे अनुसन्धान भइरहेको जानकारी दिए ।