- ३१ असार २०८३, बुधबार / Jul 15, 2026
काठमाडौं । नोबल कोरोना रोकथाम तथा नियन्त्रणसम्बन्धी उच्चस्तरीय समन्वय समितिका संयोजक ईश्वर पोख्रेलले आज साँझ उच्चस्तरीय बैठक बोलाएका छन् ।
कोरोना भाइरसको संक्रमणबाट मुलुकलाई थप सुरक्षित गर्ने निर्णय लिने गरी उपप्रधानमन्त्री पोख्रेलले उच्चस्तरीय बैठक बोलाएको बताएका छन् ।
प्रधानमन्त्री केपी शर्मा ओलीलाई भेटेर मुलुकको पछिल्लो अवस्थाबारे ब्रिफिङ गरेका पोखरेलले छलफलमा प्रधानमन्त्री ओलीले कोरोना संक्रमणबाट मुलुकलाई जोगाउने उपायमा कुनै कसुर बाँकी नराख्न निर्देशन दिएको बताएका छन् ।
आज साँझ बस्ने उच्चस्तरीय बैठकले कोरोना संक्रमण रोकथाम र फैलन नदिन एक्सन लिन सक्ने सम्भावना रहेको उच्च श्रोतले दाबी गरेको छ । सरकारले मुलुकभरका शैक्षिक संस्थाको पठनपाठनमा रोक लगाएको छ ।
२५ जनाभन्दा बढीको भीड नगर्न, संक्रमित मुलुकहरुबाट हुने हवाई उडान रोक्ने समेतका निर्णय यस अघि नै गरिसकेको छ ।
