तनहुँमा सम्बन्ध विच्छेदका ९ सय ३७ मुद्दा दर्ता

तनहुँ । तनहुँ जिल्लामा सम्बन्ध विच्छेदका ९ सय ३७ मुद्दा दर्ता भएका छन् । अन्य मुद्दा भन्दा तनहुँ जिल्ला अदालतमा सम्बन्ध विच्छेदका मुद्दा दर्ता बढी देखिएको हो । दर्ता भएका कुल मुद्दा मध्ये ३७ प्रतिशत मुद्दा सम्बन्ध विच्छेदका मात्रै रहेको अदाललते जनाएको छ । आर्थिक वर्ष ०७८ र ०७९ मा तनहुँ जिल्ला अदालतमा सम्बन्ध विच्छेदका ९ सय ३७ मुद्दा दर्ता भएका छन भने सम्बन्ध विच्छेदका ९ सय ३७ मुद्दा मध्ये अदालतले सोही वर्ष ६ सय ८६ सम्बन्ध लविच्छेदका मुद्दा फर्छ्योट गरेको जनाएको छ ।

अदालतले २ सय ५१ मुद्दा फछ्र्योट हुन बाँकी भई चालू आर्थिक वर्ष ०७९ र ०८० मा जिम्मेवारी सरेको जनाइएको छ । बालविवाह, विपन्नता, मोबाइलको दुरुपयोग, वैदेशिक रोजगारी र अशिक्षा जस्ता कारणले पनि सम्बन्ध विच्छेदका मुद्दा बढेको र कम उमेरमा विवाह गर्ने र उमेर पुगेपछि श्रीमान(श्रीमतीचको सम्बन्ध बिग्रेका कारणले अदालतमा सम्बन्ध विच्छदेका मुद्दा बढी आउने गरेको जनाइएको छ ।