तीन दिनदेखि बेपत्ता महिला आफ्नै घरमा मृत

सल्यान । तीन दिनदेखि बेपत्ता महिला आफ्नै घरमा मृत फेला परेकी छन् ।

सिद्धकुमाख गाउँपालिका–४ खार्पनकी ४९ वर्षीया गणेशी रोका बिहीबार आफ्नै घरभित्र खाद्यान्न भण्डार गर्ने भकारीमा मृत फेला परेको जिल्ला प्रहरी कार्यालय सल्यानले जनाएको छ ।

असोज १५ गते बेलुकादेखि घरबाट हराएकी रोका तीनदिनसम्म पनि फेला परेकी थिइनन् । त्यसपछि गाउँले र आफन्तले उनको खोजी व्यापक गरे ।

बिहीबार घरभित्रबाट शवको गन्ध आएपछि खोज्न जादा खाद्यन्य राख्ने भकारीभित्र उनको शव फेला परेको हो ।

मृतक महिला उनका छोरा, छोरी र बुहारीसँग बस्दै आएकी थिइन् ।

घटना शंकास्पद, अनुसन्धान जारी रहेको र शवलाई जिल्ला अस्पताल सल्यानमा पोष्टमार्टम लगिएको प्रहरीले जनाएको छ ।