दैलेखमा समुदायस्तरमा फैलियो कोरोना संक्रमण

७ साउन २०७७ दैलेख ।  कोरोना भाइरस समुदायस्तरमा फैलिएपछि परीक्षण सुरु भएको छ । केहि केहि ठाउँमा ट्राभल हिस्ट्री नभएहरुमा कोरोना पोजेटिभ भएपछि परीक्षणको दायरा समुदायस्तरमै बढाएको दैलेखका कोरोना फोकल पर्सन थीरप्रसाद रेग्मीले बताए ।

ठाँटीकाँध गाउँपालिकामा ७३ जनाको नमूना परीक्षण गर्दा १६ जनामा संक्रमण पुष्टि भएको भन्दै रेग्मीले परिक्षणको दायरा बढाएको बताए । स्वाब संकलन गरिएका अन्य स्थानीय तहको रिपोर्ट आइनसकेको भन्दै क्वारेन्टिनस्थल आसपासबाट संकलन गरिएको नमुनामा संक्रमण पुष्टि भएको उनको भनाइ छ ।

अहिलेसम्म जिल्लामा दुईजना जनप्रतिनिधि, ६ जना स्वास्थ्यकर्मी, १४ जना नेपाल प्रहरी, २८ जना सशस्त्र प्रहरी, आठजना शिक्षक कर्मचारी र चार जना सञ्चारकर्मी संक्रमित भएको रेग्मीले बताए ।