- १८ असार २०८३, बिहीबार / Jul 2, 2026
काठमाण्डौ । नवीकरण नगरेका क्याम्पस र कलेजहरुको सूची त्रिविले सार्वजनिक गरेको छ । त्रिभुवन विश्वविद्यालयबाट सम्बन्धन प्राप्त तर नविकरण नगरेका देशभरका १ सय ७५ क्याम्पस÷कलेजहरुको सूची त्रिविले सार्वजनिक गरेको हो ।
त्रिविको उपकुलपतिको कार्यालय, योजना निर्देशनालयले उक्त सूची सार्वजनिक गरेको त्रिविले जनाएको छ । कुनै क्याम्पस नवीकरण प्रकृयामा भएको भएमा आधिकारिक कागजपत्र र प्रमाणसहित सम्बन्धित डीनको कार्यालयमा सम्पर्क गर्न त्रिविले आग्रह गरेको छ ।
त्रिविले गएको पुस २० र चैत २८ मा सम्बन्धन नवीकरण गर्न सूचित गरी नवीकरण नगरे खारेज किन नगर्ने ? भनेर सूचना समेत प्रकाशित गरि सकेको छ । सम्बन्धन नवीकरण नगरेका क्याम्पस, कलेजको सूची सार्वजनिक गरिएको र त्रिवि सम्बन्धन समितिको निर्णय अनुसार नवीकरण नभएका क्याम्पस र कलेजलाई नियमअनुसार कारबाहीको प्रकृया अगाडि बढाउने सूचनामा उल्लेख छ ।
