- १३ जेष्ठ २०८३, बुधबार / May 27, 2026
नेपालगञ्ज । उपमहानगरपालिका वडा नम्बर १ र १८ स्थित वाटरपार्क जग्गा एकीकरण परियोजनाअन्तर्गतका जग्गाधनीलाई स्थायी लालपुर्जा वितरण शुरु गरिएको छ । एक दशकपछि स्थायी प्रमाणपत्र प्राप्त गरेपछि जग्गाधनी उत्साहित भएका छन् ।
नगर प्रमुख डा. धवलशम्शेर राणा र प्रमुख प्रशासकीय अधिकृत ओमबहादुर खड्काले आज उपमहानगरपालिका कार्यालयमा आयोजित कार्यक्रममा जग्गाधनीलाई स्थायी लालपुर्जा हस्तान्तरण गरेका हुन । कार्यक्रममा नगर प्रमुख डा राणाले लामो समयको प्रयासपछि वाटरपार्क परियोजनाको सम्पूर्ण कानूनी प्रक्रिया पूरा भई सम्पन्न हुने चरणमा पुगेको बताए ।
स्थायी पुर्जा वितरण सकिएलगत्तै सडक, खानेपानी, विद्युत्लगायत कामका लागि करीब रु ८० करोडको बोलपत्र आह्वान प्रक्रियामा रहेको जनाइएको छ ।
