- ९ बैशाख २०८३, बुधबार / Apr 22, 2026
धनषा । प्रदेश न. २ मा चार जना कोरोना संक्रमित फेला परेपछि यहाँका विभिन्न ठाउँलाई ‘हट स्पट’को रुपमा प्रदेश सरकार निगरानी बढाएको छ । केही स्थान विशेषलाई सिल गर्नेसम्मको तयारीमा रहेको प्रदेश सरकार को उच्च निगरानी बढाएर अघि बढीरहेको छ ।
संक्रमित व्यक्ति पुगेका ठाउँहरुलाई प्रदेश सरकारले ‘हट स्पट’ को रुपमा राखेर उच्च निगरानी बढाएको छ । कोरोना संक्रमण बढ्दै गएपछि र भारतीय नाकाबाट कोरोना सनत्रास फैलिएपछि आवश्यक परे ‘सिल’ पनि गरिने प्रदेश २ सरकारका प्रवक्ता एवं आन्तरिक मामिला तथा कानून मन्त्री ज्ञानेन्द्र यादवले बताए ।
कोरोना संक्रमित फेला परेका वीरगञ्जको वडानम्बर २ को पूरै भूभाग, सप्तरीको बोदेबर्साइनमा भएको मुस्लिम धार्मिक सभास्थलसहित १२ ठाउँमा सिल गर्न सकिने उनले जानकारी दिए । यी ठाउँहरुमा उच्चस्तरीय सुरक्षा समितिका पदाधिकारी तथा स्वास्थ्यकर्मीले विशेष जाँच तथा अनुगमन गर्ने भन्दै मन्त्री यादवले जुन ठाउँको अवस्था शंकास्पद देखिन्छ, त्यो ठाउँलाई तत्कालै सिल गरिने बताए ।
प्रदेश २ को वीरगञ्जमा तीन जना भारतीयमा र रौतहटमा भारतबाट आएका एक जना युवकमा कोरोना संक्रमण पुष्टि भएको छ भने यहाँ संक्रमणको जोखिम बढिरहेको छ ।
