बर्दियामा दश बोरा पटका नष्ट

काठमाडौं । बर्दिया प्रहरीले पटका नियन्त्रणमा लिएर नष्ट गरेको छ । एक लाख २० हजार मूल्य बराबराको १० बोरा पटका ईलाका प्रहरी कार्यालय राजापुर बर्दियाबाट खटेको प्रहरीले नियन्त्रणमा लिएर नष्ट गरेको हो ।

जापुर नगरपालिका–४ विशाल बजारस्थित मनोज गुप्ताको घरमा कोठा भाडामा लिएर बस्ने राजा भन्ने मेराजुदिन अन्सारीले भारतबाट पटका ल्याएर भण्डारण गरेर राखेको अवस्थामा पटका बरामद गरेको हो ।

उक्त पटका ईलाका प्रशासन कार्यालय राजापुर बर्दियाका कार्यालय प्रमुख सुनिल दत्त, राजापुर नगरपालिका–४ का वडा अध्यक्ष बिदुर पोख्रेल, राजापुर भन्सार कार्यालयका प्रतिनिधि पत्रकार तथा स्थानीयको रोहबरमा नष्ट गरिएको प्रहरीले जनाएको छ ।