लडाकु विमान दुर्घटना

एजेन्सी । रुसी लडाकु विमान दक्षिणी येस्कको एक आवासीय भवनमा दुर्घटनाग्रस्त भएको छ । दुर्घटनामा कम्तीमा दुई जनाको मृत्यु भएको छ ।

भिडियोमा विमान अपार्टमेन्टमा खस्दै गर्दा विस्फोट भएको देखाइएको छ । क्षेत्रीय गभर्नर भेनियामिन कोन्ड्रात्येभले उक्त विमान सुखोई एसयू–३४ सुपरसोनिक मध्यम दूरीको लडाकु बमवर्षक भएको बताए ।

उक्त दुर्घटनामा कम्तीमा १५ जना घाइते भएको बताएका छन् । दुर्घटना भएपछि पाइलटहरु बाहिर निस्किएको बताइएको छ ।