- १४ जेष्ठ २०८३, बिहीबार / May 28, 2026
काठमाडौं । आगामी २० नोभेमबरदेखि १८ डिसेम्बर २०२२ सम्म आयोजना हुने बहुप्रतिक्षित फिफा वर्ल्ड कप २०२२ लाई सफल बनाउन कतारको इस्लामिक म्युजियम पार्कमा नेपाली समुदायले पनि कार्यक्रम गर्न पाउने भएका छन् ।
विश्वभरिबाट फिफा वर्ल्ड कप प्रतियोगिता हेर्न आउने दर्शकहरूको मनोरञ्जनका लागि कतार सरकारको विभिन्न निकायद्वारा गरिने वर्ल्ड कप विशेष कार्यक्रम अन्तर्गत एमआईए पार्कमा फिफा वर्ल्ड कप अवधिभर कतारस्थित नेपाली लगायत अन्य आप्रवासी समुदायहरुको विशेष प्रस्तुति रहने एनआरएनए कतारका अध्यक्ष मोहम्मद मुक्तदा मुसलमानले बताए । बु
धबार नेपाली दूतावासका द्वितीय सचिव प्रविण भट्टराई र नेपाली समुदायको तर्फबाट एनआरएनए कतारले एमआईएका डेप्युटी डाईरेक्टेर सालेम अब्दुल्ला एम अल अवादसँग अन्तिम बैठक सम्पन्न गरेको अध्यक्ष मुसलमानले बताए । उक्त क्षेत्रमा नेपाली राष्ट्रिय झन्डा फहराउँदै नेपाली समुदायको एउटा प्रदर्शनी स्टल रहने उनको भनाइ छ ।
आप्रवासी समुदायको लागि तयार पारिएको स्टेजमा नेपाली समुदायको विभिन्न सांस्कृतिक प्रस्तुति रहनेछ । २० नोभेम्बरदेखि १८ डिसेम्बरसम्म हुने प्रतियोगिताका लागि विश्वभरबाट २० लाख बढी दर्शक सहभागि हुने अनुमान गरिएको छ ।
