- ३१ असार २०८३, बुधबार / Jul 15, 2026
काठमाडौं । नोवल कोरोना भाइरसबाट सर्वसाधारणलाई सर्तक राख्ने र चेतना जगाउने कार्यमा खट्नुपर्ने भएकोले जिल्ला जिल्लामा कार्यरत स्वास्थ्यकर्मीलाई बिदामा नबस्न निर्देशन दिएको छ।
जिल्ला जनस्वास्थ्य कार्यालयक, प्राथमिक स्वास्थ्य कार्यालय र स्वास्थ्य चौकीमा कार्यरत स्वास्थ्यर्मीलाई बिदामा नवस्न निर्देशन दिईएको हो । यसैबीच बारा कलैया अस्पताल प्रतिनिधि र १६ वटै स्थानीत तहमा रहेका स्वास्थ्य शाखा प्रमुखहरूसँग बिहीबार जिल्ला प्रशासन कार्यालय कलैयामा गरिएको छलफलपछि स्वास्थ्यकर्मीलाई बिदामा नबस्न निर्देशन दिइएको जनाएको छ ।
कोरोना भाइरस फैलन नदिन जिल्लाका १३ स्थानमा हेल्प–डेस्क स्थापना गरिएको अवस्थामा स्वास्थ्यर्मीहरू बिदामा बस्दा डेस्कमा खटिने जनशक्ति अभाव हुने भएकाले स्वास्थ्यकर्मीलाई बिदामा नबस्न निर्देशन गर्नुपरेको प्रमुख जिल्ला अधिकारी फणिन्द्रमणि पोखरेलले बताए।
