भक्तपुरमा झुलुङगे पुलमुनि एक युवक मृत अवस्थामा फेला

भक्तपुर । भक्तपुरको साँगाको पुल नजिकै एकजना पुरुष मृत अवस्थामा फेला परेका छन् । भक्तपुरको सूर्यविनायक नगरपालीका वडा नं. १० चित्तापोलस्थित झोलुङगे पुल तलको भित्री सडकखण्डमा शुक्रबार एक जना मृत अवस्थामा फेला परेका हुन ।

जानकारी प्राप्त हुनासाथ तत्काल प्रहरी वृत्त जगातीबाट अनुसन्धान अधिकृत सहितको प्रहरी टोली खटिई गई घटनास्थलमा लासजाँच मुचुल्का कार्य गरिएको भक्तपुर प्रहरी परिसरले जनाएको छ । जाँचकै क्रममा पुलमा १ जोर जुत्ता, १ वटा मोजा र मृतक नजिक अर्को १ वटा मोजासमेत रहेको भक्तपुर प्रहरीले जनाएको छ । घटनाको सम्बन्धमा थप अनुसन्धान कार्य भईरहेको जनाइएको छ ।

मृत्यु हुनेमा सिन्धुपाल्चोक ईन्द्रावती गाउँपालिका वडा नं ३ घर भई हाल काभ्रेपलान्चोक जिल्लाको बनेपा नगरपालिका वडा नं १३ नयाँबस्ती सागाँ बस्ने बर्ष २३ को सैलेश भारती रहेको प्रहरीले जनाएको छ ।