‘एक इन्च भूमि पनि मिचिन दिन्नाैं’

‘एक इन्च भूमि पनि मिचिन दिन्नाैं’ image

काठमाडौं । देशभरी सीमा अतिक्रमणको विरोध भैरहेका बेला प्रधानमन्त्री केपी शर्मा ओलीले नेपालले एक इन्च भूमि पनि मिचिन नदिने बताएका छन् । नेपालको भूमि कालापानी, लिम्पियाधुरा लगायतका क्षेत्र आफ्नो नक्सामा समेटेर भारतले हालै सार्वजनिक गरेको नयाँ नक्साबारे विरोध भइरहेका वेला प्रधानमन्त्री ओलीले पहिलोपटक यसवारे सार्वजनिक प्रतिक्रिया दिएका हुन् ।

राष्ट्रिय युवा संघ नेपालले काठमाडौंमा गरेको कार्यक्रममा प्रधानमन्त्री ओलीले सरकार कूटनीतिक पहलबाट भारतसँगको सीमा समस्या सुल्झाउन लागेको बताए । नेपाल–भारत सीमा विवाद पुरानै भएको दावी समेत गर्दै भारतले नक्सा सच्याएर मात्र नहुने बताए । मिचिएको नेपाली भूमि फिर्ता गर्नुपर्छ भन्दै प्रधानमन्त्री ओलीले नाकाबन्दीको समयमा भारतसँग आफू नझुकेको स्मरण गरे ।

भारतीय अतिक्रमणविरुद्ध देश एक ढिक्का हुनु सकारात्मक भएको भन्दै उनले भने, सरकारले आफ्नो भूमि एक इन्च पनि मिचिन दिँदैन । आफ्नो भूमि अरू कसैलाई दिँदैनौँ, अरूको पनि अतिक्रमण गर्दैनौँ भने। हाम्रो भूमिबाट छिमेकी मुलुकले आफ्ना सेना फिर्ता लैजाओस् । यो हामीले आग्रहपूर्वक भनेका छौँ । शान्ति स्थापनाका लागि विश्वमा हामीले शान्ति सेना पठाइरहेका छौँ । यसमा हामीले बहादुरी कमाएका छौँ । हामी शान्तिको पक्षमा छौँ । छिमेकीसँग किञ्चित तनाव नहोस् भन्ने पक्षमा हामी छौँ । संवादको माध्यमबाट समस्या समाधान गर्न चाहन्छौँ ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्


hotelghyampedanda