- २ श्रावण २०८३, शनिबार / Jul 18, 2026
पर्वत । कालीगण्डकी नदीमाथि निर्माण गरिएको पर्वतको जलजला गाउँपालिका र म्याग्दीको बेनीबजार जोड्ने बेलिब्रिज चार महिनामै बनेको छ। बेनीबजारसँग जोड्ने जलजला गाउँपालिका–२ र ३ मा पर्ने बगरफाँटको पुल चार महिनामै निर्माण भएको हो ।
दुई वर्षदेखि सडक सुविधाबाट वञ्चित भएका बगरफाँटरवासी पुल निर्माण कार्य सम्पन्न भएसँगै उत्साहित भएका छन् । बेनी–जोमसोम–कोरला सडक आयोजनाले हिमालयन विल्डर्स कम्पनी बेनीसँग पाँच महिनाभित्र योजना सम्पन्न गर्ने गरी एक करोड ६० लाख रुपैयाँमा ठेक्का सम्झौता गरेको थियो ।
कालीगण्डकी नदीले सडक कटान गरेपछि बगरफाँट बस्ती गएको दुई वर्षदेखि सडक सुविधाबाट वञ्चित हुँदै आएको थियो । गएको फागुन अन्तिम हप्तादेखि निर्माण सुरु भएकामा कालीगण्डकीमाथि ५४ मिटर लामो हुने बेलिब्रिजको जडान वैशाख ५ गतेदेखि सुरु गरिएको थियो ।
