- / Dec 3, 2024
नेपालगन्ज । विपद् लेखाजोखा तालिम बाकेको नेपालगन्जमा सम्पन्न भएको छ । आइतवार जिल्ला विपद् व्यवस्थापन समिति बाँकेको आयोजनामा भएको ३ दिने तालिममा सरोकारवालाले विपद् आउनु पूर्व नै दक्षजनशक्ति उत्पादन गर्नेमा जोड दिए ।
डेनिस रेडक्रसको सहयोगमा नेपाल रेडक्रस सोसाइटी मार्फत बाकेमा संचालित आपत्कालीन प्रतिकार्यको लागि पूर्वतयारी कार्यक्रमद्वारा तालिम सम्पन्न भएको हो । विपद्बाट प्रभावित समुदायको सर्वेक्षण गर्दा स्थानीय तह, नेपाल प्रहरी र रेडक्रसको अनिवार्य सहभागिता हुने भएकोले विपद् आउनु भन्दा पहिला नै दक्षजनशक्ति उत्पादन गर्ने उद्देश्यले यो तालिम आयोजना गरिएको नेरेसो बाँके शाखा सभापति गोवर्धन सिंह सम्झनाले बताए ।
कार्यक्रममा नेपाल रेडक्रसका उपशाखा, इलाका प्रहरी कार्यालय र स्थानीय तहका प्रतिनिधि, बर्दिया, बाँके र सुर्खेतका जिल्ला आपत्कालीन कार्यसंचालन केन्द्रका प्रतिनिधि गरी ३३ जनाको सहभागिता रहेको थियो । नेरेसो विपद् तथा संकट व्यवस्थापन विभागकी कार्यक्रम संयोजक निरु प्रधान, सूचना प्रविधि विज्ञ दिपक दवाडी र नेरेसो लैङ्गिक तथा समावेसीकरण विभागकी कार्यक्रम अधिकृत पुष्पा खनालको सहजकर्तामा तालिम सम्पन्न भएको हो ।
नेरेसो बाँके शाखाका सभापति गोवर्धन सिंह सम्झनाको अध्यक्षतामा सम्पन्न समापन कार्यक्रममा सहायक प्रमुख जिल्ला अधिकारी दिर्घराज उपाध्याय, नेरेसो बाँके शाखाका बरिष्ठ जिल्ला शाखा अधिकृत दोलखबहादुर डाँगी लगायतले तालिमको उपयोगिताका बारेमा बताएका थिए ।
यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।
झापा । काँकडभिट्टाबाट चालु आर्थिक वर्ष २०८१–८२ को त्रैमासिक अवधिमा सात अर्ब ८२ करोड ५५ लाख चार हजार रुपैयाँको कृषि बाली भारत निर्यात भएको छ । आयातको तुलनामा कृषि...
नुवाकोट । वर्तमान सत्ता साझेदार गठबन्धन अर्को निर्वाचनसम्म कायम रहने नेपाली कांग्रेसका प्रवक्ता डा प्रकाशशरण महतले बताएका छन् । नुवाकोटको दुप्चेश्वर–६ स्थित समुन्द्रटारमा आज सडक कालोपत्र शुभारम्भ कार्यक्रमलाई सम्बोधन...
काठमाडौं । परराष्ट्रमन्त्री आरजु राणा देउवाको चीन भ्रमण स्वीकृत भएको छ । मन्त्रिपरिषद् बैठकले परराष्ट्रमन्त्री राणाको चीन भ्रमण स्वीकृत गरेको हो । मन्त्री राणा प्रधानमन्त्री केपी शर्मा ओलीको भ्रमणको...
काठमाडौं । अस्ट्रेलियाका लागि नेपाली राजदूतमा चित्रलेखा यादव नियुक्त भएकी छन् । आइतबार राष्ट्रपति रामचन्द्र पौडेलले उनलाई अस्ट्रेलियाको राजदूत नियुक्त गरेका हुन्। संविधानको धारा २८२ को उपधारा (१) बमोजिम...
