सडक दुर्घटनामा दुई जनाको मृत्यु

काठमाण्डौ । काठमाण्डौको बसुन्धारा र जडिबुटीमा भएको दुर्घटनामा दुई जनाको ज्यान गएको छ।
जडीबुटीमा बाग्मती प्रदेश ०२ ०२२ प २६८४ नम्बरको मोटरसाइकल दुर्घटना हुँदा चालक सिन्धुपाल्चोक इन्द्रावती गाउँपालिका–४ का ३५ वर्षका हरिशरण अधिकारीको उपचारका क्रममा मेडिकल कलेज सिनामङ्गलमा ज्यान गएको प्रहरीले जनाएको छ ।

बा १९ च ३३०८ नम्बरको भ्यानले बाग्मती प्रदेश ०२ ०४१ प २१०८ नम्बरको मोटरसाइकललाई काठमाण्डौको वसुन्धारामा ठक्कर दिँदा मोटरसाइकलका चालक सुर्खेत भेरीगंगा नगरपालिका–१० का २७ वर्षका उपेन्द्र बुढाको ज्यान गएको प्रहरीले जनाएको छ।