- ३१ असार २०८३, बुधबार / Jul 15, 2026
२५ बैशाख २०७७ बारा । सुवर्ण गाउँपालिकाको पचगछिया सिमानामा आज दिउँसो भारतीयहरुले सशस्त्र प्रहरीको पोष्टमा तोडफोड गरेका छन् । सुवर्ण गाउँपालिका– ३, पचगछियामा रहेको प्रहरीको चेक पोष्टमाथि भारतीयहरुले आक्रमण गरेको सशस्त्र प्रहरीले जनाएको छ ।
भारतबाट झन्डै एक सयको संख्यामा आएका भारतीयले सशस्त्र प्रहरीको पोष्टमाथि आक्रमण गरेको सशस्त्र प्रहरी उपरीक्षक दिगविजय सुवेदीले बताएका छन् । तोडफोड पछि सशस्त्र प्रहरीले एक राउन्ड हवाई फायर गरेको जनाएको छ ।
दुईजना भारतीय नेपाल प्रवेश गर्न खोज्दा सशस्त्र प्रहरीले प्रवेश गर्न रोकेपछि ठूलो संख्यामा रहेका भारतीयले आक्रमण गरेको सशस्त्र प्रहरीको भनाइ छ । अहिले दुवै देशका सुरक्षाकर्मीहरु घटनास्थल पुगेको र स्थिति सामान्य रहेको छ ।
