- ९ आश्विन २०८३, शुक्रबार / Sep 25, 2026
खोटाङ । स्थानीय उत्पादनलाई प्राथमिकता दिदै खोटाङको हलेसी तुवाचुङ नगरपालिकाले दश दिने अचार बनाउने तालिम सम्पन्न गरेको छ । पुस २२ गतेबाट सुरु भएको अचार बनाउने १० दिने तालिम माघ २ गते समापन भएको हो । अचारका लागि आवश्यक विभिन्न दश स्थानीय उत्पादनबाट फरक–फरक स्वादमा अचार बनाउन तालिम दिइएको हलेसी तुवाचुङ नगरपालिका प्रमुख विमला राईले जानकारी दिनुभयो ।
उहाँले अचार बनाने १० दिने तालिममा २१ जना स्थानीय महिलाहरु सहभागि भएको जानकारी दिदै स्थानीय उत्पादनलाई प्राथमिकता दिन अचार बनाउने तालिम दिएको बतानुभयो । उहाँनले बजारबाट अचार राख्ने भाडाबाहेक सबै कुरा स्थानीय भएको र हरेक मानिसहरुलाई खाना खाँदा अचार नै चाहिने भएकाले नगरपालिकाले अचार बनाउने तालिम दिएको जानकारी दिनुभयो ।
स्वदेशी उद्यम र उत्पादन : दिगो औद्योगिक पुनरुत्थान भन्ने मूल नाराका साथ सुरु भएको तालिमले नगरपालिकालाई आत्मनिर्भर बनाउनेमा महत्वपूर्ण भूमिका खेल्ने नगरपालिकाले जनाएको छ । सीप विकासले मात्रै वेरोजगारी समस्या समाधान हुने भएकाले स्थानीय स्तरमा यस्ता तालिमहरु सञ्चालन हुनुपर्ने सर्वसाधारणको भनाई रहेको छ ।
