अझै बुझाएनन् सम्पत्ति विवरण

काठमाडौं । आफ्नो सम्पत्ति विवरण चालु आर्थिक बर्ष २०७९–८० मा नौ हजार ५९० जनाले अझै पेश गरेका छैनन् । आर्थिक बर्ष २०७९–८० को सम्पत्ति विवरणको तथ्याङ्कअनुसार राष्ट्रिय सतर्कता केन्द्रले तयार पारेको ती व्यक्तिले सम्पत्ति विवरण पेस नगरेको देखिएको हो ।

सम्पत्ति विवरणसम्बन्धी केन्द्रलाई प्राप्त भएको सात लाख २८ हजार ७४७ जनामध्ये सात लाख १९ हजार १५७ जनाले सम्पत्ति विवरण बुझाएका छन् । जुन ९८.६८ प्रतिशत हो । आर्थिक बर्ष २०७७–७८ को तुलनामा चालु आर्थिक बर्षमा सम्पत्ति विवरण बुझाउनेको संख्या ०.८९ प्रतिशत बढेको केन्द्रले जनाएको छ ।

संघीय तहमा चार लाख ५९ हजार २२८ जनाको सम्पत्ति विवरण प्राप्त हुँदा ९८.५५ प्रतिशत, प्रदेश तहमा १५ हजार ७८५ जनाको प्राप्त हुँदा ९३.६१ प्रतिशत र स्थानीय तहमा दुई लाख ५३ हजार ७३४ जनाको तथ्याङ्क प्राप्त हुँदा ९९.२४ प्रतिशतले सम्पत्ति विवरण बुझाएका छन् ।

अघिल्लो बर्षभन्दा यस बर्ष प्रदेश तहमा करिब चार हजार र प्रदेश तहमा २७ हजार बढीको तथ्याङ्क प्राप्त भएको सतर्कता केन्द्रले जनाएको छ । केन्द्रले अख्तियार दुरुपयोग अनुसन्धहान आयोगसमक्ष उक्त प्रतिवेदन पेश गरेको छ । पेश भएको प्रतिवेदनमा अघिल्लो आर्थिक बर्षको तुलनामा चालु आर्थिक बर्षमा सम्पत्ति विवरण पेश गर्नेको संख्या केही बढेको छ ।