- १ कार्तिक २०८३, आईतवार / Oct 18, 2026
काठमाण्डौं । आज अन्तर्राष्ट्रिय नागरिक उड्डयन दिवस नेपालमा पनि विभिन्न कार्यक्रम गरी मनाइँदैछ । १९९६ देखि डिसेम्बर ७ लाई नागरिक उड्डयन दिवसको रुपमा संयुक्त राष्ट्रसङ्घको महासभाले मान्यता दिएपछि यो दिवस मनाउन थालिएको हो ।
नेपालमा सन् १९५७ मा नागरिक उड्डयन प्राधिकरण स्थापना भएको हो । प्राधिकरणको स्वामित्वमा रहेको नेपाल वायुसेवा निगमले अहिले सात देशका नौ गन्तव्यमा दुई वाइड बडी र दुई न्यारो बडी गरी चार जहाजबाट अन्तर्राष्ट्रिय उडान भर्दै आएको छ ।
निगमको ६३ वर्षे इतिहासमा पहिलो पटक अन्तर्राष्ट्रिय उडानमा नेपाल वायुसेवा निगमले खतराजन्य पदार्थ ओसारपसारको अनुमति पाएको छ । खतराजन्य पदार्थ ढुवानीको स्थायी अनुमति पाएपछि प्राधिकरणले निगमको सफल्तामा खुशी व्यक्त गरेको छ ।
यसअघि अस्थायी रूपमा हरेक तीन महिनाका लागि अनुमति लिएर खतराजन्य पदार्थ ओसारपसार गर्दै आएको निगमले अबदेखि स्थायीरूपमा अनुमति पाएको हो । आईकाओले खतराको सूचीमा राखेका वस्तु निगमले आवश्यक सुरक्षा अपनाएर ढुवानी गर्न सक्नेछ ।
खतराजन्य पदार्थ आयात निर्यातको अनुमति पाउनु नेपालका लागि उपलब्धि भएको र निगमलाई पनि आर्थिक रूपमा नाफा हुने पर्यटनमन्त्री प्रेमबहादुर आलेले बताए ।
