आठ किलो आठ सय ५० ग्राम चरेस बरामद

दार्चुला । चरेससहित दार्चुलामा दुई जना पक्राउ परेका छन् । शैल्यशिखर नगरपालिका–९ नायलबाट लागूऔषध चरेससहित दुई जना पक्राउ परेका हुन ।  इलाका प्रहरी कार्यालय गोकुलेश्वर र जिल्ला प्रहरी कार्यालयको टोलीले जाँच गर्दा दुवैजनाको साथबाट गरी आठ किलो आठ सय ५० ग्राम चरेस बरामद भएको दार्चुला प्रहरीले जनाएको छ ।

पक्राउ पर्नेमा बैतडीको पुर्चौँडी नगरपालिका–४ भटनाकी ३५ वर्षीया भावना धामी र सोही ठाउँका ४४ वर्षीय जयबहादुर धानुक रहेको जिल्ला प्रहरी कार्यालयले जनाएको छ । दुवै जनालाई नियन्त्रणमा लिएर थप अनुसन्धान भइरहेको प्रहरीले जनाएको छ । धामीको साथबाट ६ किलो र धानुकको साथबाट दुई किलो आठ सय ५० ग्राम चरेस बरामद भएको हो ।