आवधिक चुनावमा विदेशमा रहेका नेपालीले मतदान गर्न पाउने

काठमाण्डौ । विदेशमा रहेका नेपाली नागरिकलाई सरकारले आवधिक चुनावमा मतदान गर्न पाउने व्यवस्था गर्ने भएको छ । आर्थिक वर्ष २०८० र ८१ को नीति तथा कार्यक्रम शुक्रवार राष्ट्रपति रामचन्द्र पौडेलले प्रस्तुत गर्दा उक्त घोषणा गरेका हुन । सरकारले आगामी ५ वर्षमा कारावासमा कैदीको चाप नहुनेगरी निर्माण भएका कारागारहरुको सञ्चालन तथा नयाँ कारागारको निर्माण गर्ने उल्लेख गरेको छ ।

आतंकवाद तथा संगठित अपराध, मिटरब्याजी, हिंसा, साइबर अपराध, लागु औषधको अवैध ओसारपसारलगायत सबै प्रकारका अपराधजन्य गतिविधि नियन्त्रणमा आधुनिक प्रविधिको उपयोग गरी सुरक्षा निकायलाई सक्षम बनाउने भएको छ ।