- १२ जेष्ठ २०८३, मंगलवार / May 26, 2026
काठमाडौं । उप निर्वाचनको माहोल नै प्रभावित हुने गरी प्रमुख प्रतिपक्षी दल नेपाली कांग्रेसले ओली सरकारको असफलता सार्वजनिक गर्ने भएको छ । वर्तमान सरकारको २१ महिनाको असफलताहरू सार्वजनिक गर्ने काग्रेसले जनाएको छ ।
सरकारको कमजोरी औंल्याउँदै उप निर्वाचनको माहोल आफ्नो पक्षमा पार्ने रणनीति तय गरेको कांग्रेसले भण्डाफोर कार्यक्रम गर्न लागेको हो। मंगलबार दिउँसो २ बजे पार्टी कार्यालय सानेपामा कांग्रेका २१ युवा नेताले सरकारको २१ असफलता सार्वजनिक गर्ने प्रवक्ता विश्वप्रकाश शर्माले जानकारी दिए ।
अहिलको सरकारले जन अपेक्षा पूरा गर्न पूर्णरुपमा असफल भएको आरोप लगाउँदै काग्रेसले असफल सरकारको जनतामाझ भण्डाफोर गर्ने कार्यक्रम ल्याएको शर्माले बताए । मंसिर १४ गते उपनिर्वाचन यही हुँदैछ । यही निर्वाचनलाई प्रभावित गर्न यस्तो गर्न लागेको चर्चा हुन थालेको छ ।
