- ९ असार २०८३, मंगलवार / Jun 23, 2026
काठमाडौं । एनएमबी बैंक लुट्ने गिरोहका एक व्यक्ति महोत्तरीबाट पक्राउ परेका छन् । महोत्तरीको महोत्तरी गाउँपालिका–२ स्थित एनएमबी बैंकको शाखामा गत जेठ १६ गते दिउँसै ४,५ जनाको हतियारधारी समूहले कर्मचारी तथा सेवाग्राहीलाई हतियार देखाएर १५ लाख रुपैयाँ तथा कर्मचारीका मोबाइल लुटेका लटुरा मध्य एकजना पक्राउ परेका हुन ।
पक्राउ पर्नेमा भारतको विहार राज्यको मधुबनीका २० वर्षीय अजयकुमार साफी बुधबार पक्राउ परेको जिल्ला प्रहरी कार्यालय महोत्तरीले जनाएको छ । लुटपाट गरी नम्बर नभएको मोटरसाइकलमा उनीहरु फरार भएका थिए ।
लुटपाटमा संलग्न अन्यको पहिचान भइसकेको र चाँडै नै उनीहरुलाई पक्राउ गरी सार्वजनिक गरिने प्रहरीले जनाएको छ । अजयलाई महोत्तरीको मटिहानी नगरपालिका ८ बाट पक्राउ गर्न प्रहरी सफल भएको हो ।
