- २५ फाल्गुन २०८२, सोमबार / Mar 9, 2026
१० असार २०७७ काठमाडौं । आज ११ बजे प्रधानमन्त्री निवास बालुवाटारमा सत्तारुढ नेकपाको स्थायी कमिटी बैठक बस्दै छ । बैठकमा मिलेनियम च्यालेन्ज कर्पोरेशन (एमसीसी) विवाद तथा अन्य समसामयिक राजनीतिक विषयवस्तुमा छलफल गर्ने नेताहरुले बताइएका छन् ।
दुईपटक मिति तोकेर पनि स्थायी समिति बैठक स्थगित भएको यस अघिका बैठकमा पनि विवाद कायमै थियो । जेठ १७ यता सचिवालयको बैठक बस्न सकेको छैन । एमसीसीको बारेमा दलभित्र सहमति जुट्न नसक्दा मिति तोकेर पनि बैठक स्थगित हुँदै आएको छ । एमसीसीबारे पार्टीभित्रै स्पष्ट दुई धार देखिएको छ ।
एमसीसीका विषयमा विवाद भएपछि नेकपाले वरिष्ठ नेता झलनाथ खनालको संयोजकत्वमा नेता भीम रावल र प्रदीप ज्ञवाली सदस्य रहेको एमसीसी अध्ययन कार्यदल बनाइएको थियो । उक्त कार्यदलले यथास्थितिमा एमसीसी पारित गर्न नहुने निष्कर्ष निकाल्दै पार्टीलाई प्रतिवेदन बुझाएको थियो ।
तर सडक र सदनमा नै एमसीसी पास नगर्न आन्दोलन चुलिएको छ । एमसीसी पास गरे हतियार बोकेर नेताहरुको ज्यान लिने महिलाहरुले हिजो मात्रै माइतिघर मण्डलामा प्रदर्शन गरेका छन् । साथै विभिन्न राजनैतिक दलहरुले एमसीसी अमेरिकन आर्मीको अखाडा नेपाल बनाउने सड्यन्त्र हो भनेर पनि भनेका छन् ।
