- २२ कार्तिक २०८३, आईतवार / Nov 8, 2026
काठमाडौँ । नेकपा दाहाल–नेपाल पक्षको बन्दले देशभरको जनजीवन प्रभावित भएको छ भने सरकारले अहिले सम्म ९० बढी बन्दकर्तालाई पक्राउ गरेको छ । सडकमा हिड्ने सर्वसाधारणलाई समेत पक्राउ गरेको छ ।
गृहमन्त्रालयले पूर्ववतरूपमा निर्धक्क भएर यातायात व्यवसाय, उद्योगधन्दा तथा पेशा व्यवसाय सञ्चालन गर्न आग्रह गरेपनि प्राय सबै ठप्प भएको छ । संविधान र प्रचलित कानूनविपरीत शान्ति सुरक्षामा खलल पुग्ने, सार्वजनिक तथा निजी सम्पत्तिको तोडफोड, आगजनी, सर्वसाधारण नागरिकले प्रयोग गर्ने यातायात सञ्चालनमा अवरोध नगर्न अनुराेध गरेकाे छ ।
ध्वांसात्मक एवं अवाञ्छित गतिविधि नगर्न अनुरोध गर्दा गर्दै तोडफोडमा उत्रिएको भन्दै गृहले कडा आदेश दिएको जनाएको छ । अझै अवाञ्छित गतिविधि गरेको पाइएमा संलग्न हुनेउपर कडा कानूनी कारवाही गरिने मन्त्रालयले चेतावनी समेत दिएको छ ।
