- २२ कार्तिक २०८३, आईतवार / Nov 8, 2026
भक्तपुर ।(एसईई आजदेखि सुरु भएको छ । भक्तपुरमा ६ हजार ७५ परीक्षार्थीहरु एसईई परीक्षामा सामेल भएका छन् । जसमा २ हजार ८ सय ९२ जना छात्रा र ३ हजार १ सय ८३ छात्र परीक्षामा सामेल भएको शिक्षा बिकास तथा समन्वय इकाई भक्तपुरका सूचना अधिकारी ध्रुबप्रसाद कोइरालाले बताए ।
परीक्षाका लागि २४ परीक्षा केन्द्र रहेका छन् । परीक्षामा १ सय ३ परीक्षार्थी प्राविधिक धारका छन् भने ६ जना अघिल्लो वर्षको परीक्षाफलको ग्रेड वृद्धि गर्न परीक्षामा सामेल भएका छन् । परीक्षा मर्यादीत ढंगले सम्पन्न हुने शिक्षा बिकास तथा समन्वय इकाईकी प्रमुख कमला ज्ञवालीले बताएकी छन् । परीक्षाको अनुगमन गर्न प्रमुख जिल्ला अधिकारी रोशनीकुमारी श्रेष्ठको नेतृत्वमा सरोकारवाला सम्मिलित टोली पनि खटिएको छ ।
परीक्षा भइरहेकाे हलकाे तस्बिर खिच्न नपाइने निर्णय जिल्ला परीक्षा समन्वय समिति भक्तपुरले गरेकाे छ । शिक्षा विकास तथा समन्वय इकाइसँग समन्वय गरी आधिकारिक परिचय पत्र सहित बाहिरी वातावरणको मात्र पर्यवेक्षण गर्न सकिने ज्ञवालीले बताएकी छन् ।
