- ८ जेष्ठ २०८३, शुक्रबार / May 22, 2026
विराटनगर । कांग्रेसले देशव्यापी चुनावी सभाको सुरुवात गर्न लागेको छ । मुलुकका ७ वटै प्रदेशमा चुनावी सभा गर्ने कांग्रेसले विराटनगरबाट सुरुवात गर्ने तयारी गरेको हो ।
विराटनगरमा हुने सभालाई प्रधानमन्त्री एवं कांग्रेस सभापति शेरबहादुर देउवा, वरिष्ठ नेता रामचन्द्र पौडेल, महामन्त्री विश्वप्रकाश शर्मा लगायतले सम्बोधन गर्दैछन् ।
मोरङका उपसभापति भक्तिनाथ माझीले विराटनगरको पुष्पलाल चोकमा चुनावी सभा राखिएको जानकारी दिए । सभाका लागि मञ्च व्यवस्थापनदेखि लिएर सबै तयारी पूरा भइसकेको उनको भनाइ छ।
माझीका अनुसार चुनावी सभा कांग्रेस एक्लैले गर्न लागेको हो ।
गठबन्धनबाट विराटनगर महानगरपालिकाको मेयरमा कांग्रेसका नागेश कोइराला र उपमेयरमा जनता समाजवादी पार्टी (जसपा)का अमरेन्द्र यादवको उम्मेदवारी परेको छ।
