- ६ असार २०८३, शनिबार / Jun 20, 2026
बागलुङ । काठेखोला गाउँपालिका–२ भीमपोखरा दपासामा एक व्यक्तिले कोलादो प्रहार गरी स्थानीय एक जनाको हत्या गरेका छन् भने अन्य पाँच घाइते भएका छन् । स्थानीय सोमबहादुर किसानले कोदालो प्रहार गर्दा ८४ वर्षीय यामबहादुर केसीको मृत्यु भएको हो ।
धवलागिरि अस्पताल बागलुङमा उपचारको क्रममा उनको मृत्यु भएको हो । गम्भीर घाइते ६५ वर्षीया विष्णुमति चापागाईँ र ३६ वर्षीया लक्ष्मी चापागाईँलाई धवलागिरि अस्पताल बागलुङमा उपचारपछि पश्चिमाञ्चल क्षेत्रीय अस्पताल पोखरा सिफारिस गरिएको छ ।
अन्य घाइते ३८ वर्षीया देवी गौतम, उनका छ वर्षीय छोरा अमृत गौतम र १९ वर्षीया छोरी अनिता गौतमको धवलागिरि अस्पताल बागलुङमा उपचार भइरहेको छ ।
कोदालो प्रहार गर्ने सोमबहादुरलाई दोबिल्ला प्रहरी चौकी अक्षतेको प्रहरी टोलीले नियन्त्रणमा लिएर जिल्ला प्रहरी कार्यालय ल्याइएको छ । कोदालो प्रहार गर्ने व्यक्ति मानसिक सन्तुलन ठीक नभएको जिल्ला प्रहरी कार्यालय बागलुङका प्रहरी निरीक्षक विराट शर्मा पौडेलले बताए ।
