कोरोनासँग लड्न सेनाको सहयोग

काठमाडौं । कोरोना संक्रमणको महामारीसँग लड्न भारत सरकारले सेनाको सहयोग मागेको छ ।

कोभिड केयर सुविधा र आइसियू युनिट्स सन्चालनका लागि दिल्ली सरकारले सेनाको सहयोग मागेको हो । दिल्ली सरकारले रक्षा मन्त्रालयमा पत्र पठाएर सहयोग मागेको संचारमाध्यमले जनाएका छन् ।

कोरोनाको दोस्रो लहरबाट भारत बढी प्रभावित छ । कोरोना संक्रमणका बिरामीहरु बढेपछि भारतको राजधानी नयाँदिल्ली आईसीयू बेड र अक्सिजनको कमीसँग जुधिरहेको छ ।

विगत एक हप्तादेखि भारतमा हरेक दिन तीन लाख भन्दा धेरै नयाँ संक्रमित फेला परिरहेका छन् । दिल्लीमामात्रै दैनिक २० हजारभन्दा धेरै जनामा संक्रमण पुष्टि भइरहेको छ ।