- ६ असार २०८३, शनिबार / Jun 20, 2026
बैतडी । क्वारेन्टाइनमा एकजना स्वास्थ्यकर्मीमाथि नै निर्धात कुटपिट भएको छ । बैतडीको पुर्चौंडी नगरपालिका–५ को क्वारेन्टाइनमा राखिएका भारतबाट आएका ७ जनाको विषयलाई लिएर स्वास्थ्यकर्मी करनसिंध धामीमाथि निर्घात कुटपिट भएको हो ।
हालै भारतबाट फर्किएका युवाहरुलाई वडा नम्बर ५ मा क्वारेन्टाइन बनाएर राखेको थियो । क्वारेन्टाइनमा रहेका ७ जनामध्येका सुनिल जागरीका बुवा नरेन्द्र जागरीले स्वास्थ्यकर्मीमाथि कुटपिट गरेका हुन् । गाजरीले स्वास्थ्यकर्मी धामीको चिर्पटले हानेर औंला समेत चपाएका छन् ।
कुटपिटबाट घाइते स्वास्थ्यकर्मी उपचारका लागि स्थानीय स्वास्थ्य चौकीमा पु¥याइएको पुर्चौंडी नगरपालिकाका रण बहादुर कुँवरले बताए । हाम्रो मान्छेलाई किन क्वारेन्टाइनमा राखेको ? भन्दै नरेन्द्र जागरीले स्वास्थ्यकर्मीमाथि कुटपिट गरेको कुँवरले बताए । स्वास्थ्यकर्मीमाथि हातपात गर्ने जागरीलाई प्रहरीले नियन्त्रणमा लिएको छ ।
